Munu sjúkrabílar komast að Hátæknisjúkrahúsinu við Hringbraut á mestu umferðartímum?

Ég er alveg gáttuð yfir því að það skuli eiga að fara að ráðast í að byggja það sem var áður kallað Hátæknisjúkrahús, og það á þessum stað, það er við Hringbrautina.   Nú er það ekki kallað lengur hátæknisjúkrahús, heldur nýi Landspítalinn, þar sem það hefur komið í ljós að við erum með góðan hátæknispítala, það er aðstaðan sem er verið aðallega að bæta, það er einbýli og sérsnyrtingu.  

Þessi staðsetning, það er við Hringbraut,  finnst mér alveg fráleit.  Umferðin þarna er næg fyrir.  Alltaf er öllu beint á einn stað.  Það er t.d. búið að bæta við umferðina, til Háskólans í Reykjavík.   Síðan á að bæta við, allri bílaumferð sem er nú til gamla Borgarspítalans í Fossvoginum, en þar er nú verið að biðja um fleiri bílastæði.  Hvernig eiga sjúkrabílar að komast að, t.d. á morgnanna og á mestu annatímum, þegar umferðin er nánast stopp.  Væri ekki betra að dreifa umferðinni svolítið og þá í báðar áttir.   Umferðin þarna myndi einnig valda loftmengun og trufla hvíld sjúklinga. 

Nýju bygingarnar þurfa að vera lágreistari og dreifðari vegna þessarar staðseningar.  Þær munu ná næstum því frá Snorrabraut og að Hljómskálagarðinum, sunnan við gamalgróið íbúahverfi (Laufásvegur, Smáragata, Sóleyjargata).  

Viljum við þetta?  Höfum við frekar efni á að reka þennan nýja Spítala, þegar við þurfum núna að skera alls staðar niður í heilbrigðiskerfinu?  Eða á hann að standa tómur?

 Þóra Andrésdóttir

 

 

 

 

 

Hagsmunir togast á við Hringbraut

Athugasemdir

[Finnur Bárðarson, 1.3.2010 kl. 15:29]

Spítalar eru aldrei tómir. Nema ekki sé nein lifandi hræða er eftir á landinu. Á LSH fæðast flestir Íslendingar og deyja líka þar. Eins og staðan er í dag er fullt út úr dyrum.

[Þóra Andrésdóttir, 1.3.2010 kl. 16:12]

En það er alltaf verið að spara með því að loka deildum á gamla spítalanum, er betra að gera það á nýjum spítala?  Það eru ekki til penigar til að reka heilbrigðiskerfið, heldur skorið niður alls staðar, á öllu landinu.  Getum við frekar rekið nýja spítalann?

[Jón Rúnar Ipsen, 1.3.2010 kl. 22:13]

Hef reynt að koma þessari umræðu af stað oft án árangurs það er ekki hægt að bæta aðkomu að landsspítalanum án þess að grafa göng undir miklubraut og göng í öskjuhlíð gatnakerfið þarna í kring mun ekki bera þessa umferð . tala nú ekki um ef farið verður að byggja á flugvallarsvæðinu eins og X-d dreymir um 25-30 þusund bílar í hvora átt á annartímum skelfilegt tilhugsun